I den internasjonale studentkonkurransen i syntetisk biologi, International Genetically Engineered Machine – iGEM, går studentar frå heile verda laus på problemstillingar som syntetisk biologi kan bidra til å løyse.
Antibiotikaresistens
Årets lag frå UiO – UiOslo iGEM 2016 – prøver å utvikle ein rask test for påvising av antibiotikaresistente bakteriar ved urinvegsinfeksjonar, noko som er viktig for å kunne gi riktig behandling og sette i gang smitteverntiltak. Testen er kopla til ein eigendesigna app – Phonelab – som les av resultata. I slutten av oktober reiser laget til Boston for å konkurrere med studentar frå heile verda.
Vil få med fleire med teikneserie
UiO satsar på tverrfagleg vitskap slik som livsvitskap og ønsker at òg iGEM-laget skal spegle dette. UiOslo iGEM 2016 vil at fleire skal få auga opp for syntetisk biologi og sjå på moglegheita for tverrfagleg samarbeid i komande konkurransar. Dei har derfor trykt opp den norske utgåva av teikneserien «Eventyr i syntetisk biologi» (sjå bilete til høgre).
Gir nye erfaringar og moglegheiter
Ifølgje Ragnhild Bugge på iGEM-laget har fleire iGEM-deltakarar gått vidare med studentprosjekta sine og starta eigne selskap med lagkameratane sine.
– Om prosjektet ikkje endar opp som ei bedrift, vil studentane uansett sitte igjen med verdifulle erfaringar innan for eksempel: samarbeid og leiing, PR, idéutvikling, økonomi, nettverksbygging og praktisk sjølvstendig arbeid, seier ho.
Les meir
Designer nye syntetiske bakterier
UiOslo iGEM 2016 vart intervjua av UiO sitt populærvitskaplege magasin Apollon i sommar. I intervjuet kan du lese meir om kva syntetisk biologi er, om konkurransen og om prosjektet til årets lag.
Les meir om syntetisk biologi på Bioteknologirådet si temaside
Sjå òg UiOslo iGEM si eiga nettside
Gløym teikneseriar som Donald Duck og Nemi og ta ein kikk på vårt nytrykte teikneseriehefte «Eventyr i syntetisk biologi»
UiOslo iGEM 2016