NOR4115 – Historisk morfologi i skandinavisk
Kort om emnet
Emnet gir ei innføring i nokre ulike morfologiske modellar og teoriar, og korleis ein kan gjera historisk materiale relevant for diskusjonen mellom dei ulike modellane. Derfor inneheld kurset også eit kort oversyn over norsk og nordisk morfologi i historisk perspektiv.
Forholdet mellom diakroni og synkroni vil bli teki opp, liksom ulike syn på kva plass morfologien har i språkvitskapen, og morfologisk endring versus andre typar endring. Emnet handlar også om korleis ein tolkar materiale, og korleis grannedisiplinar kan brukast til å kaste lys over morfologien.
Pensumomfang: 600 - 700 sider. Pensum finst på emnesida for kvart semester.
Kva lærer du?
Studenten skal bli i stand til å arbeida vitskapleg med morfologi, både synkront og diakront, ved m.a.
- bruk av modellar og teoriar i samband med master- eller doktoravhandling
- kritisk vurdering av forskingsresultat innanfor feltet
Opptak og tilgangsavgrensing
Studentar må kvart semester søkje og få plass på undervisninga og melde seg til eksamen i Studentweb.
Dersom du ikkje alt har studieplass ved UiO, kan du søkje opptak til våre studieprogram eller søkje om å bli enkeltemnestudent.
Forkunnskapar
Obligatoriske forkunnskapar
Emnet krev opptak på MA-nivå. Obligatorisk forkunnskap er NOR1100 – Norsk grammatikk
Anbefalte forkunnskapar
Tilrådd forkunnskap er dessutan EXFAC03-SPR – Examen facultatum, språkvitenskap og NOR2111 – Syntaks og morfologi i nordiske språk/NOR4112 – Syntaks og morfologi i nordiske språk
Undervisning
Seminarundervisning med 2 timar i veka i 15 veker, inkludert leseveker. Ei kvalifiseringsoppgåve, skriftleg eller munnleg, skal vere godkjend av faglærar før studenten kan gå opp til eksamen.
Mal for skriftlege kvalifiseringsoppgåver ved ILN
Godkjent obligatorisk undervisningsaktivitet/kvalifiseringsoppgåve er gyldig dei to neste semestra emnet blir gitt.
Adgang til undervisning
Dersom du har gjennomført og fått godkjent obligatorisk undervisning, har du ikkje krav på ny undervisning. Dersom du har fått undervisningsopptak til emnet, men ikkje har gjennomført eller fått godkjent obligatorisk undervisning, har du rett til ny undervisning når det er ledig kapasitet.
Eksamen
Den obligatoriske kvalifiseringsoppgåva må vere godkjent av faglærar før studenten kan gå opp til eksamen.
Eksamen er ei semesteroppgåve på max 10 sider (à 2300 tegn utan mellomrom) som tek utgangspunkt i pensum. Tema for oppgåva blir bestemt av faglærar og student i fellesskap, og skal godkjennast av faglærar.
Obligatorisk erklæring, mal for framside og tidligare eksamensoppgåver finn du under administrer dine studier ved ILN: http://www.hf.uio.no/iln/studier/admin/
Hjelpemiddel
Ingen hjelpemiddel er tillatne.
Eksamensspråk
Det er mogeleg å svare på eksamen på norsk, svensk eller dansk. Om bruk av målform i eksamensoppgåver, sjå § 5.4 i Forskrift om studium og eksamenar ved Universitetet i Oslo.
Karakterskala
Emnet nyttar karakterskala bestått/ikkje bestått. Les meir om karakterskalaen.
Grunngjeving og klage
Tilgang til ny eller utsett eksamen
Tilrettelagt eksamen
Søknadsskjema, krav og frist for tilrettelagd eksamen.
Evaluering av emnet
Vi gjennomfører fortløpande evaluering av emnet, og med jamne mellomrom ber vi studentane delta i ei meir omfattande evaluering.