Hausten 2018 og 2019 blei dei spesielle opptakskrava til enkeltemne i realfag endra. Hovudregelen er at alle enkeltemnestudentar må dekkje dei endra krava, men det blei gjort unntak for aktive enkeltemnestudentar som oppfylte desse to krava:
- Hadde aktiv enkeltemnestudierett i realfag våren 2018.
- Har bestått emne ved MN-fakultetet i tidsrommet våren 2015 - våren 2018.
Inngår du i overgangsordninga, må du først dokumentere dei nye krava frå hausten 2022. Gjeld dette for deg, fekk du ein e-post med informasjon før hausten 2018.
Skal du søkje opptak til studieprogram?
Endringane i opptakskrava skjedde fordi det frå hausten 2018 og hausten 2019 blei innført nye spesielle opptakskrav til nokre studieprogram. Søkjer du opptak til desse studieprogramma, finst det ingen unntak frå å dokumentere dei nye krava:
- Bachelorprogram innan matematikk, naturvitskap og teknologi
- Informatikk: robotikk og intelligente systemer (bachelor)
- Honours-programmet, studieretning realfag (bachelor)
- Realfag (årseining)
- Lektorprogrammet, studieretning realfag
Meir om spesielle opptakskrav til program ved UiO.