17
I september bidrog vi til at studentane ved UiO som deltek i den internasjonale konkurransen i syntetisk biologi – iGEM – fekk trykt opp teikneserien «Eventyr om syntetisk biologi».
Med teikneserien ville årets iGEM-lag gi fleire innblikk i kva syntetisk biologi dreier seg om og få med studentar frå ulike fagdisiplinar ved UiO.
Då studentane deltok i iGEM-konkurransen i slutten av oktober, fekk dei gull for arbeidet sitt. Dei har kombinert tradisjonell molekylærbiologi med app-design, 3D-printing og innovativ tenking for å påvise antibiotikaresistente bakteriar på ein enkel måte som kan hindre overforbruk av antibiotika og spreiing av antibiotikaresistens.
