Veksthuset for livsvitskap er innovasjonseininga for livsvitskap, helse og teknologi ved Universitetet i Oslo.
Klart for ny møteplass for akademia og innovasjonsøkosystemet 21. april kl. 17–20
Veksthuset for livsvitskap og næringsklynger sparkar i gang innovation hangouts der forskarar, studentar og næringsliv kan bygge nettverk. Vi ønskjer å inspirere, gje sjølvtillit og kunnskap om innovasjonsprosessar og legge til rette for samarbeid som gjer at forskinga ved UiO blir teken i bruk og kjem pasientar og samfunnet til gode.
Første arrangement i serien er eit samarbeid med Oslo Cancer Cluster.
Tema: Tomorrow´s treatment – advancing innovations from academia to industry in cancer and beyond.
- Inspirasjonsinnlegg: Stefan Ries, PhD, Venture Partner, Versant Ventures, Sveits. Han er biokjemikar og tumorbiolog med meir enn 20 års erfaring med utvikling av legemiddel innan onkologi.
- Rollemodellinnlegg: Anette Weyergang, seniorforskar, PhD, Institutt for kreftforsking, Oslo universitetssjukehus og SPARKee i UiO:Livsvitenskap sitt innovasjonsprogram SPARK Norway, tidlegare deltakar på Helseinnovatørskulen
- Matchmaking med medlemsbedrifter i Oslo Cancer Cluster: Roche, Adjutec, AstraZeneca, Oncosyne, Thelper med fleire
Sjå programmet, og meld deg på!
Påmeldingsfrist 19. april.
Ministerbesøk i Forskingsparken
Forskings- og høgare utdanningsminister Ola Borten Moe og rektoratet besøkte kontoret vårt i Forskingsparken førre veke. Direktør Hilde Nebb presenterte innovasjonstenestene vi tilbyr forskarar og studentar og understreka viktigheita av godt samspel med einingar ved UiO og innovasjonsøkosystemet rundt oss.
Styrker innovasjonskulturen og innovasjonsøkosystemet
Veksthuset for livsvitskap og dScience – Senter for data- og berekningsvitskap vil styrke innovasjonskulturen ved UiO og bidra til at Forskingsparken blir eit endå meir heilskapleg økosystem for innovasjon der næringsliv og akademia møtest.
Nytt om internship for livsvitskapsstudentar
Gjennom internshipprogrammet som er støtta av Veksthuset for livsvitskap, har 24 studentar frå medisin, kjemi og farmasi fått tilbod om sommarjobb i bedrifter. Takk til Bristol Myers Squibb, Novartis, AbbVie, Takeda, Roche, Bayer, Dr. Dropin, Eyecheck System, Nordic Nanovector, Oncoinvent, Medlytic, Biogen og Smerud Medical Research! Vi kjem tilbake med meir informasjon når studentane er i gang med arbeidet.
Legemiddelfirmaet AbbVie har starta eit karriereprogram der studentar som er nyutdanna eller har arbeidd 1–2 år, kan søkje om 6 månaders internship. Søknadsfrist 27. mars. Utlysningen er ikke lenger aktiv.
Innovasjonstenester
Vi hjelper forskarar og studentar med å modne idear i tidleg fase i tett samspel med einingar ved UiO og innovasjonsøkosystemet vårt. Vi tilbyr skreddarsydd rettleiing, såkornmiddel, møteplassar, kurs, seminar, internship for studentar, mentorprogram med meir.