STV4333 – Sentral-Europa og Baltikum (tidlegare Sentral og Øst-Europa), 15 studiepoeng
Skildring av emne
Timeplan, pensum og eksamensdato
Kort om emnet
Formålet med emnet er å gje ei innføring i den nyare politiske historia i fem sentraleuropeiske og tre baltiske land. Sentrale tema er "revolusjonane" i 1989-1991, med særleg vekt på overgangen til demokrati, og dei postkommunistiske regima, herunder val institusjonelle løysingar, framveksten av partisystem og skiljeliner, og regjeringsmønster. Hovudvekta ligg på tida etter 1989.
Emnebeskrivelse (utfyllende informasjon om lover, regler og forskrifter tilnyttet emnet)
Kva lærer du?
Målet er at du skal få innsikt i dei politiske systema i Polen, Tsjekkia, Slovakia, Ungarn, Slovenia, Estland, Latvia og Litauen. Du vil også lære om den økonomiske overgangen, og tilnærminga til EU. Eit siste mål er å oppøve evna til å samanlikne på tvers av land.
Opptak og tilgangsavgrensing
Studentar må kvart semester søkje og få plass på undervisninga og melde seg til eksamen i Studentweb.
Dersom du ikkje alt har studieplass ved UiO, kan du søkje opptak til våre studieprogram eller søkje om å bli enkeltemnestudent.
Forkunnskapar
Obligatoriske forkunnskapar
Bachelorprogram i statsvitskap eller tilsvarande.
Anbefalte forkunnskapar
Bachelorprogram i statsvitskap eller tilsvarande.
Undervisning
Emnet går over 12 veker, med 10 dobbelttimar forelesingar og 2 dobbelttimar seminar.
Eksamen
Du blir vurdert ut frå ei heimeoppgåve over sjølvvald problemstilling (10-15 sider) og ein skriftleg eksamen (5 timar). Heimeoppåva og skriftleg eksamen blir vurdert kvar for seg, og begge må vera bestått. Det blir gjeve ein samla bokstavkarakter der karakterane frå heimeoppgåva og skriftleg eksamen tel likt.