Jobb
Etter fullført spesialistutdanning er du kvalifisert for å diagnostisere og behandle alle former for malokklusjoner som opptrer i befolkninga. Du vil delta i interdisiplinær behandling av medisinsk og dental komplekse pasientar, evaluere psykologiske og psykososiale aspekt relevant for kjeveortopedi og behandle pasientar med ulike syndrom og kranofaciale anomaliar, inkludert ortognatisk kirurgi og kraniomandibulære lidingar.
Det er òg ein del av ditt samfunnsoppdrag å vurdere kjeveortopediske avvik i lys av vekst-/utviklingsstadiet og subjektive behov til individet, og behandle alle typar tannstillingsavvik, bit-og kjevestillingsavvik.
Som tannlegespesialist kan du velje ein akademisk karriere som underviser/lektor eller rettleiar ved Institutt for klinisk odontologi. Andre aktuelle karrierevegar er:
- tannhelsetenesta sine kompetansesentere
- spesialisthelsetenesta
- konsulentverksemd i fagforeininga eller i den private legemiddelindustrien
- kurshaldar for ulike aktørar innan fagområdet
Vidare studiar
Som tannlegespesialist har du høve til å ta ei forskarutdanning og arbeide med forsking. Sjå meir om stipendiatstillingar og doktorgradsprogrammet ved fakultetet.
Fra studier til jobb
- Hvordan finne jobben?
- CV, søkad og intervju