Jobb
Etter ferdig spesialistutdanning skal du meistre utgreiing og diagnostikk, og dessutan kirurgisk og medisinsk behandling og rehabilitering av pasientar med sjukdommar, skader, smerter, misdanningar og utviklingsforstyrringar i munnhòle, kjevar og tilgrensande område i ansiktet.
Du tileignar deg gjennom studiet kompetanse til å behandle pasientar med komplisert allmenmedisinsk bakgrunn. Arbeidsfeltet inneber òg utvida diagnostikk, eventuelt kombinert med behandling av kjeveledd, orofacial smerte, oral medisin eller neoplasmer i munnhòle og kjeve.
Som spesialist vil du ta i mot viste pasientar for rådgiving, avansert diagnostikk og nødvendig kirurgisk behandling. Du skal òg vere i stand til å utføre avansert behandling innan følgjande område: dentoalveolær kirurgi, traumebehandling, implantatbehandling og ortognatisk kirurgi.
Som tannlegespesialist kan du velje ein akademisk karriere som underviser/lektor eller rettleiar ved Institutt for klinisk odontologi. Andre aktuelle karrierevegar er:
- tannhelsetenesta sine kompetansesentere
- spesialisthelsetenesta
- konsulentverksemd i fagforeininga eller i den private legemiddelindustrien
- kurshaldar for ulike aktørar innan fagområdet
Vidare studiar
Som tannlegespesialist har du høve til å ta ei forskarutdanning og arbeide med forsking. Sjå meir om stipendiatstillingar og doktorgradsprogrammet ved fakultetet.
Fra studier til jobb
- Hvordan finne jobben?
- CV, søkad og intervju