Jobb
Etter fullført spesialistutdanning har du kompetanse til å ta hand om orale helseproblem i aldersgruppa 0-18 år, som særleg kompliserte eller sjeldne pedodontiske kasus vist frå tannlegar, pediatriske og barnepsykiatriske klinikkar eller andre instansar. Som spesialist har du kunnskapar og ferdigheiter til å kunne gi tannbehandling til barn og unge med særleg kompliserte eller sjeldne orale tilstandar og utviklingsforstyrringar.
Arbeidsfeltet inkluderer òg behandling av pasientar under sedasjon og anestesi. Du vil vidare fungere som konsulent i samband med kompliserte eller sjeldne kasus, og koordinere/delta i tverrfagleg samarbeid med andre odontologiske og medisinske spesialdisiplinar.
Som tannlegespesialist kan du velje ein akademisk karriere som underviser/lektor eller rettleiar ved Institutt for klinisk odontologi. Andre aktuelle karrierevegar er:
- tannhelsetenesta sine kompetansesentere
- spesialisthelsetenesta
- konsulentverksemd i fagforeininga eller i den private legemiddelindustrien
- kurshaldar for ulike aktørar innan fagområdet
Vidare studiar
Som tannlegespesialist har du høve til å ta ei forskarutdanning og arbeide med forsking. Sjå meir om stipendiatstillingar og doktorgradsprogrammet ved fakultetet.
Fra studier til jobb
- Hvordan finne jobben?
- CV, søkad og intervju