Rørslemengd har dykk garantert høyrt om, eller så skal dykk snart lære om det. For ikkje å prate om bevaring av rørslemengd! Det er ein nydele sak. Det er særs grunnleggjande innan rakettforskingsfeltet som vi snart kan reknast som ekspertar innan. Det er dette som skal få oss ut på dei sju hav, eller ut i verdsrommet dersom vi vinklar raketten litt lenger opp.
Men nok tullprat, her er konseptet. Rørslemengd er ein bevara storleik. Det vil, i vår situasjon, seie at den totale rørslemengda til raketten før ein partikkel går ut av boksen, er lik den totale rørslemengda til raketten etter at partikkelen forlot boksen. Gjev det meining? Ser vi på formelen for rørslemengde så er det lettare å skjønne:
\(\vec{p} = m\vec{v}\), \(m\vec{v}_{før} = m\vec{v}_{etter}\)
Tenk nå på partikkelen som forlèt boksen. Raketten vår mistar masse slik at ifølgje bevaringslova så kjem hastigheita til å kompansere for den manglande massa for at vi skal ha den same rørslemengda som før. Vi mistar masse, men får meir fart! Det er ikkje værre enn det! Slik skal vi kome oss langt og lenger enn langt!
Til slutt må vi nemne litt om energien til partiklane. Som vi allereie har drilla inn i hovudet dykkar så har vi med ein ideell gass å gjere, og partiklane vil dimed ikkje vekselverke med kvarandre. Og kva har det å seie for totalenergien? Jau, nå slepp vi å rekne med potensiell energi slik at totalenergien er berre summen av den kinetiske energien gjeve ved \(\frac{1}{2}mv^2\). Dette gjev oss ein gjennomsnittleg totalenergi gjeve ved
\(\langle E \rangle = \frac{3}{2}kT\)
Som vi ser så er energien berre avhengig av temperaturen T, då k er ein konstant (Boltzmann konstanten). For spesielt interesserte er utleiinga av denne formelen skrive ned her.
Og sist, men ikkje minst: vi ser bort ifrå luftmotstand!