Kvar er det Askeladden befinn seg? Kva for eit system og kva for nokre planetar er det han har rekna på heile denne tida? Som det såvidt var nemnd i førre bloggomgang med Askeladden, så befinn han seg i systemet Pjokknes med sine sju planetar. To av planetane er gasskjemper, medan resten er steinplanetar. Av steinplanetane har vi to som er jordliknande, Tvønnoing og Åtvekdal. Fjerenes og Pøhjoing er reint spikkande steinplanetar, der finn vi berre stein og ingenting anna. Alt du ser er stein! Stein i kvar ei retning! Medan ein av steinplanetane, Eggre, er fullstendig dekt av vatn. Følgjande er ein liten tabell med det Askeladden fekk med seg av info om planetane frå sjølvaste Reodor:
Kva for ein av desse planetane skal vi sende vesle Espen til? Vel, vi kan fyrst og fremst utelukke gassplanetane. Det er vanskeleg å sjå for seg dei som trivelege og gjestfrie. Så kva med ein av steinplanetane? Vel, ifølgje det siste sladderet på tunet så skal Åtvekdal eller Eggre visstnok vere særs lovande! Så kva med ein av dei to?
MEN, nå skal det jo seies at alt dette er basert på visuelle data og sladderet som ho rufsete Rønnaug står å kaklar om på eldhushjørnet. Det kan hende at utrekningane og simuleringane våre vil vise noko heilt anna. Vi veit ikkje om Åtvekdal i det heile ligg i den bebuelege sona. Vi veit eigentleg ikkje kvar den bebuelege sona er! Men det er ein av tinga vi er her for å finne ut av! Vi skal òg finne ut kor store solcellepanela våre må vere ved destinasjonsplaneten vår, og vi skal fortelja litt om svarte lekamar.