Kva betyr publisering?
Å publisere eit val betyr å gjere det synleg for veljarane og klart for å avlegge stemmer. Valet opnar då automatisk for at veljarane kan stemme i det, på satt starttidspunkt.
Kva gjer eg om eg ikkje har tilgang til å publisere?
Alle med UiO-brukarkonto kan opprette og administrere val, men det er berre enkelte valadministratorar som har tilgang til å publisere val. Det er fakulteta som forvalter kven som har tilgang hos dei.
For å publisere eit val, dersom du ikkje sjølv har tilgang, kan du:
- Be dei valansvarlege på ditt fakultet om å få tilgang til å publisere val. Du finn kontaktinfo på fakultetet sine sider om val. Sjå hjelpesidene for å gje tilgang til å publisere.
- Om du ikkje høyrer til under eit fakultet, og ikkje har nokon valansvarlege, kan du kontakte Sentralt Valsekretariat på valgsekretariatet@admin.uio.no.
- Finn ein person som kan publisere val, og legg vedkommande til som administrator for valet. Personen kan då gå inn og publisere valet for deg.
Sjå sida forvaltinga av valadministratorar for meir detaljar om rettighetene.
Korleis publiserer eg eit val?
Du kan publisere val som du er administrator for, dersom du har tilgang til dette. Gå inn på valet og trykk på knappen for å publisere.
Merk at du må ha generert ein valnøkkel før du kan publisere valet. Dette sidan det krevst for å kryptere stemmesetlane riktig.